REG OF WEG

DIE  HANDSAK

Dis nie eintlik die  regpak nie. Dis die weggooi wat mens bevry, besef ek toe ek die handsakke uithaal.  Soos in ‘wat’s REG, en wat’s WEG?

Soos my ou tiervel handsak met die sagte satyn lining sonder die strap...  diè het ek afgehaal vir my kind se skoolprojek 18 jaar gelede.   Dis net REG,  en oorleef elke regpaksessie. Jaar na jaar.   Omdat dit voel   soos my beste vriendin.  Dis duursaam en verdraagsaam en dis kosbaar… en dis nie fake nie..  Dis my Amelia-Marita- Anette-Helmien--Dalene-*Dina–Betsie-Elza-Lollie-Irma-Yana-Elbie-Marie-handsak. Die strap is oorbodig, want hulle hou vir my vas.     (En omdat die peppermentjie wat ek in die hoekie ontdek,  na al die jare nog steeds sy geur behou het)

Party vriendinne, besef  ek toe,  is soos nuwe hansakke wat mens op uitverkopings koop. Dit pas by niks,  net die prys was reg.  Dit blink of  dis  plastic, en die strap is net daar vir die vertoon.

    Dis altyd WEG  met die eerste regpak na aankoop.   Dit  staan tog  net  jou  kas  vol.