DiE dAG ToE AnuBis GeBieG hEt

Mariana  Collage op 'Found Object'  Houtblok  2011

Die dag toe Anubis gebieg het

Dis is tydens ‘n jaarlikse skoolkonsert dat my  graad 3-groep, so al langs die Nyl  af. . . dit  regkry om  (op)regte teater te pleeg.

Toe die gordyn open kan die gode  ‘n sug van verligting slaak. Al die weke se eindelose geoefen met rekwisiete en ongemaklike monderings, nou als die moeite werd.

Lourens en sy  Anubisagtige pilaarmaatjies vorm die tempel, terwyl wulpse Nefertiti’s hul groot blare swaai.  Die mummies word op die klank van 'Locomotion'  wakker en ruk dat die verbande spat.  Koning Farao wat baie soos Elvis lyk, kom  heupswaaiend  op sy vergulde boot binnegeseil.  Indrukwekkend, met sy welige kuif en groot donker bril, ruk-en-rol hy 'Blue Suede Shoes'.  Maar toe die boot moet stop . . kan dit om een of ander  onverklaarbare  rede nie gestop  kry nie . .   en dit vaar onverstoord op die temple af!    Pilare, blompotte, slawe spring beangs uit die pad. 

Lourens  se hondekopmondering het egter oor sy oë gesak  , en dis eers toe die voortvarende koning reg voor hom tot stilstand kom, dat hy besef hy staan  pilaaralleen teen Elvis vandag.  Hy skree kliphard :  “Ek sal nie weer  jou albasters vat nie.”

Ons het die toneel net so gelos, die gordyne getrek en  toe bars  daar  ‘n oorverdowende gejuig vanuit die gehoor los.  Vir waardering vir ‘n wonderlike opregte oomblik.  Vir waardering dat niemand seergekry het nie. En vir waardering dat almal tot getuie geroep is

 Dat  anibus

NIE

 Elvis se alabasters in die groot, warm woestyn gevat het nie.